English |  فارسی |  پشتو |  Русский
خپلواکه افغاني خپرونه
لومړی مخ
افغانی جهاد د پاکستانی جنرال میراث دی
په مسکو کی د افغانستان په باره کی بین المللی سیمینار جوړ شو
"روسان افغانستان کې خپلې نیمګړې پروژې بشپړوي"
افغان حکومت طالبانو ته د نوي دفتر وړانديز وکړ
د ټولو افغانانو لپاره د کابل جان ټولنیزې شبکې تاسیس
کرزی اوباما په دروهنه تورنوی
ایا امریکا به له تروریزم سره مبارزی ته د پاکستان په خاوره کی دوام ورکړی؟
په افغانستان کی د چارو وضعه د خوشبینی وړ نده
په روسيه کې د عيسوۍ شوې افغانې نجلۍ په باب
امريكا هيله لري چي تاجكستان به له افغانستان څخه د پوځونو په وتلو كي فعاله ونډه واخلي
افغانستان او اذربایجان د سفارتونو د پرانیستلو په هکله موافقه کړی ده
زیات شمیر پناه وړونکی چی تاجکستان ته راغلی د افغانستان اوسیدونکی دی
طالبان دې د نېمروز بریدونو په اړه دریځ روښانه کړي
فراه کې ۱۲ پوليس او قومندان يې طالبانو ته اووښتي
سر له نن به ځانګړي او د شپې عمليات افغان ځواکونه کوي
د امريکا سفير د عملياتو پر افغاني کېدو خوښي وښوده
روسيې له ډبليو ايف پي سره د ٤١ کاماز ډوله موټرو مرسته وکړه
ندهار کې ٥٠ ټنه تر وخت تېر درمل له منځه يوړل شول
عطامحمد د سولې پروسې مشروط ملاتړ وکړ، خو فهيم دا اړتيا وبلله
جنرال الن: د افغان او نړيوالو ځواکونو اړيکې پياوړې دي
ده کابل نه پنجوايي ته پر تللي پلاوي وسلوال بريد شوى
کيميرون: د کندهاره پېښه بده او اغيز لرونکې ده
زلمی رسول د سولې پر سر خبرو لپاره قطر ته ځي
د سپین بولدک چاودنې څلور افغان مسافر ووژل
ملي امنیت وايي د یوه سیاسي ګوند د مشر د وژنې طراحان یې نیولي
امریکايي پوځيانو ته په قرآن سوځونې سزا ورکول کېږي
'په تېرو څو کالو کې له افغانستانه نژدې پنځه میلیارد ډالر ایستل شوي'
د هلمند په یوه کور کې چاودنې اووه کسه ووژل
کرزی: احساسات مو وښودل، نور ارامي په کار ده
د شوروی اتحاد له خوا په ننګرهار کی جوړشوی کانال د ورانیدو په حال کی دی
  مقالې/
په كابل كې د روسي ژبې او ادبياتو د څانګې د بكلوريا فارغينو په وياړ جشني غونډه وشوه
/12.4.2010
     چاپي بڼه په كابل كې د روسي ژبې او ادبياتو د څانګې د بكلوريا فارغينو په وياړ جشني غونډه وشوه

د اپرېل ۱۲ د (( ريا نووستي )) خبري اژانس خبريال اندرى ګرېشنوف ليكي :

د (( ريا نووستي )) خبريال له كابل نه خبر راكوي چې د افغان پلازمېنې د ودونو او نورو مېلمستياوو د ترسره كېدو په تر ټولو لوى (( كابل – دوبۍ )) سالون كې چې په دارالامان واټ كې موقعيت لري ، د يكشنبې په ورځ د كابل پوهنتون د روسي ژبې او ادبياتو د ديپارتمنت د زده كړو پاى ته رسوونكو په مناسبت يوه جشني غونډه وشوه .

د جشني غونډې سالون چې په جشني ډول جوړ شوى او ښكلى كړاى شوى وو ، د پوهنتون په سلګونو زده كړيالو ، د دوى د كورنيو غړو او باندينيو مېلمنو باندې ډك وو . له۱۹۷۹ ز كال نه راهسيې دا ۱۴ دوره ده چې د روسپوهنې په څانګه كې افغان ټولنې ته ، چې اوسمهال له ډېر ژور سياسي ، وټيز ( اقتصادي ) او پوځي بحران سره مخ ده ، څانګيز كسان وړاندې كيږي . له دغې دورې نه يې ۵۰ څانګيزو كسانو د خپل هېواد د روښانه راتلونكې په هيله دا پرېكړه وكړه چې ژبپوهان او ادبپوهان شي .

له روسي سفارت نه او له بهرنيو روسي استازوليو څخه څو كسانو په دغه جشني غونډه كې برخه اخيسې وه ، ددې لپاره چې د بكلوريا له نويو څانګيزو ، د دوى د كورنيو له غړو او ملګرو سره د لويانو په ژوند باندې د پرونۍ ورځې تنكيو زلميانو د پيل كولو خوشالي شريكه كړي .

په سالون كې د خوشالۍ سوله ييزې ډزې له رنګينو كاغذونو او له هغوى نه جوړو شويو حلقو سره ملګرې وې ، په سالون كې ناستو كسانو باندې رنګين ځلانده او سپرغۍ لرونكي څيزونه شيندل كېدل . د مېزو پر سرونو ، چې شاوخوا ترې ماشومان او لويان ناست ول ، د فارغينو لپاره د پسرلنيو ښايسته ګلانو ګېډۍ او په سپين زر لرونكو كاغذونو كې ډالۍ پرتې وې . پرونيو زده كړيالو او زده كړياليو تورې پېروزه لرونكې پټۍ اغوستې او د بكلوريا څلور كونج لرونكې خولۍ يې پرسر كړې وې چې ډېر ښكلي ښكارېدل .

په افغانستان كې د ورځني ژوند د سرګردانيو او د نيم پوځي كاري ورځو لامله ډېرى وختونه د سړي دې ته پام نه وي چې ددې ځاى ځوانان او پېغلې څومره ښكلې او پوه دي . د هغو ځوانانو چې په روسي ژبه خبرې كوي ، څېرې هوښيارې ، پلټندې او الهام بښونكې دي . او پېغلې خو يې يوه له بلې نه ښايسته ده . د دوى ښكلا كورټ بېلابېله ده . د پښتنو پېغلو د مخ خطونه نازك او څرګند دي . د تاجكۍ پېغلو سترګې غټې ، نظر يې سورى كوونكى دى او واورينو ملكو ته ورته دي . د هزاره ګۍ پيغلو د مخ زېړوالي نن دوى ته داسې ښكلا وربښلې وه چې د لوېديځو هېوادو د رنګينو مجلو پر ښويو دوتنو باندې د مود نامتو پېغلو له ښكلا نه يې هم خبره اړولې وه . په ټوله كې خو دلته نجونې تور ټيكرى پر سر كوي ، خو ځوانې ښځې څادري اغوندې او سړى يې مخ نه شي لېدلاى ان كه ناڅاپي حالت ته هم منتظر شې . خو نن دوى پر بخملي څوكيو داسې ښكلې او جشني ناستې وې چې سړي ترې نظر بل لور ته نه شو اړولاى .

نن ټولې كورنۍ نه شي كولاى چې خپل اولادونه په لوړو ، لوكسو كالجونو او پوهنتونونو كې شامل كړي ، ځكه چې بيه يې ډېره لوړه ده . په اتيايمو كلونو كې ، كله چې په افغانستان كې شوروي پلوه رژيم واكمن وو ، په لوړو ښونيزو مؤسسو كې ان د غريبو كورنيو اولادونو هم كولاى شول چې زده كړې وكړي . هغوى د كانكور په ازموينو كې په خپلې پوهې سره دا زبادوله چې دوى ډېر وړ او لايق دي . اوس خو په كابل پوهنتون كې د زده كړو لپاره پيسې په كار دي او د افغانستان د كچې لپاره لږ پيسې هم نه بلكې ډېرې .

دا چې يو شمېر پلرونو او ميندو د خپلو اولادونو ، راتلونكو بكلوريا څانګيزو كسانو لپاره په هماغه لومړي سر كې په لوړو ښوونيزو مؤسسو كې روسي ژبه غوره كړه ، نه كومه بله بهرنۍ ژبه ، نو دا ډېر څه روښانولاى شي . د مشر پښت د شوروي اتحاد وختونه په ياد دي ، هغوى په دې پوهيږي چې شوروي څانګيزو كسانو په دې غمځپلې خاوره كې ډېر كارونه ترسره كړي . نن ورځ چې دلته د امريكا متحده ايالات نظم رامنځته كوي او د پارلمان ځينې وكيلان (( په ټوله كې له شوروي تېري كوونكو څخه د خپلواكۍ مبارزين )) د روسيې د كليمې له يادولو سره مخ اړوي ، دا خلك له دې نه ونه ډار شول خپل اولادونه د هغه هېواد د ژبې زده كولو ته ولېږي چې دوى هم ورسره ډېر تړاو لري .

په ګلونو باندې ښكلي شوي شاندار ترېبون ته زده كړيال ، استادان يو په بل پسې ختل او د يو بل په پته ، همدا راز د خپلو روسي ملګرو په پته يې تودې خبرې كولې .

د روسي ژبې او ادبياتو د ديپارتمنت استاد ډاكتر فريخته د راټولو شويو كسانو په وړاندې وويل : (( د نړيوال تاريخ په اوږدو كې ډېر ستر دولتونه د پوهنې او تكنالوجۍ په وده كې د خپل برجسته رول په لوبولو سره نامتو شوي دي . روسيه هغه هېواد دى چې د نړۍ په نقشه كې يې ډېره پراخه سيمه نېولې ده . لكه څنګه چې يې د شوروي اتحاد په زمانه كې هماغسې يې نن هم د نړيوال كولتور په وده كې لويه ونډه درلودلې او لري يې . زموږ د دولتونو ترمنځ اړيكي ډېر پخواني دي اوتاريخي رېښي لري . افغان زده كړيال له پخوا وختونو نه راهيسې په شوروي اتحاد كې زده كړې كولې او اوسمهال هم په روسيه كې زده كړې كوي . هغوى تل خپل هېواد ته راستنېدل او اوس هم له ډېرې پوهې سره خپل هېواد ته راستنيږي او دغه پوهه له دوى سره خپل هېواد ته د چوپړ په لاره كې مرسته كوي . موږ ددې لامله له روسيې او روسي ولس نه منندوى يو . لكه څنګه چې ما خپله هم په روسيه كې ، د شوروي اتحاد په زمانه كې مې د وارونېژ په دولتي پوهنتون كې زده كړې كړې ، نو نن غواړم په روسيه كې خپلو استادانو ته خپلې ډېرې تودې ولولې او هيلې وړاندې كړم . دوى ډېر مهربانه خلك ول ))

فريخته زياته كړه : (( روسي ژبې زموږ د هېوادو ترمنځ د ګڼ اړخيزو اړېكو په ټينګښت كې ډېر لور ارزښت درلود ، د افغان ملي كادرونو له روزنې سره يې مرسته كوله . دغې پروسې په لسګونو كلونو ادامه درلوده او نه شي كېداى چې له تاريخ نه يې سړى لري كړي ))

د بكلوريا له فارغينو نه يې يو كس چې د غونډې كار يې پر مخ بېوه ، تريبون ته وخوت او ويي ويل : (( نن ورځ زموږ په ژوند كې ډېره يوه هېښنده شېبه ده ، دغه شېبه هم خوشالوونكې ده او هم خپه كوونكې . نن موږ د خپلواك ژوند په لور لار پرانيزو . زموږ د پوهنتون ګړۍ ودرېده او هغه مهال راغى چې له خپل تنكي او بې غمه زلميتوب سره خداى پاماني وكړو . اوس موږ د كابل پوهنتون د روسي ژبې او ادبياتو د ديپارتمنت له مشر صاحب جان كوچي څخه هيله كوو چې ستېژ ته راشي او موږ ته خپله وينا واوري )) .

پوهاند كوچى د افغانستان لپاره په پرتليزه توګه څه ناڅه ارامو اتيايمو كلونو كې د روسي ژبې او ادبياتو ديپارتمنت ته وده وركوله ، د مجاهدينو او طالبانو د واكمنۍ په كلونو كې يې د هغه ساتنه كوله . ده دغه ديپارتمنت پرې نه ښود چې له منځه ولاړ شي . ده ګڼ شمېر مياشتې او كلونه د واك په بېلابېلو دهليزونو كې په منډو تروړ تېرې كړې ، هلته چې هېچا نه غوښتل چې ځوان افغانان روسي ژبه زده كړي . خو دى بريالى شو او نن ورځ د شوروي اتحاد او روسيې دغه بې برېده لېوال نه يوازې په كابل كې ، بلكې له هغه نه يې په لري سيمو كې هم پېژني .

كوچي وويل : (( درنو مېلمنو ، ګرانو دوستانو او او زموږ فارغينو ! غواړم تاسو ته په بري سره د كورس د پاى ته رسولو په مناسبت مباركي ووايم او تاسو ته په ځاني ژوند او راتلونكي كار كې د لوىو برياليتوبونو هيله وكړم . ګرانو فارغينو ، دغې لوړې او مهمې موخې ته رسېدل ستاسو ټولو لپاره اسانه كار نه وو . دغه موخې ته رسېدنې نه يوازې ستاسو پام غوښت ، بلكې له بهر نه يې هم هر اړخيز ملاتړ ته اړتيا درلوده . د زده كړې په پروسه كې تاسو يوازې نه واست . ستاسو درنو كورنيو ، مور او پلار ، او خپلوانو له تاسو سره مرستې كولې . له دې سره سره چې په افغانستان كې وټيزې ( اقتصادي ) ستونزې شتون لري ، بيا هم ستاسو زړورو مور او پلار تاسو ته دا شونتيا دركړه چې خپلې موخې ته ورسېږئ . له همدې لامله زه او زموږ ديپارتمنت له دوى نه ډېره مننه كوو )) .

د ديپارتمنت د مشر په وينا ، ټولو استادانو د زده كړې پروسې په اوږدو كې له خپل وس سره سم له زده كړيالو سره مرسته او د دوى ملاتړ كړى دى .

كوچي زياته كړه : (( هو ، موږ تل پوره شونتياوې نه درلودې ، خو استادان چمتو ول چې په هره شېبه كې له تاسو سره مرسته وكړي چې زه ترې د زړه له تله منندوى يم . دا هم مهمه وه چې په كابل كې د روسيې سفارت كاركوونكو او ټولو روسي خلكو له خپل وس سره سم زموږ ملاتړ كاوه )) .

كوچي د بكلوريا نويو فارغينو ته د وينا په ترڅ كې زياته كړه : (( په رښتيا هم نن ستاسو په ژوند كې نوې پاڼه پرانيستل شوه . لكه څنګه چې اوس تاسو نوې شونتياوې تر لاسه كړې هماغسې نوي مكلفيتونه هم در په غاړه شول او تاسو بايد ددې لپاره چې نويو موخو ته ورسېږئ ، بايد په سرښندنې سره كار وكړئ . بايد تاسو ته يې در په ياد كړم چې زه نن له تاسو سره د بېلتانه خداى پاماني نه كوم ، موږ د روسيې د فدراسيون په سفارت كې بله غونډه په مخ كې لرو او هلته به تاسو ته د پوهنتون د پاى ته رسولو بريليكونه دركړل شي . اوس زموږ له ديپارتمنت نه ۱۸ كسه د زده كړو لپاره روسيې ته ځي . دا دا مانا نه لري چې نور هغه څوك چې ويې نه شو كولاى چې روسيې ته ولاړ شي دا حق نه لري . تاسو چې هر چېرته واوسئ ، هر چېرته كار وكړئ ، كولاى شئ چې روسيې ته ولاړ شئ او هلته دويمې لوړې زده كړې ترسره كړئ )) .

پوهاند كوچي له (( ريا نووستي )) سره په مركه كې وويل چې زده كړيالو څلور كورسونه پاى ته رسولي او د بكلوريا درجه يې تر لاسه كړه . نن ورځ د ماسټرۍ درجه يوازې د پښتو او دري ملي ژبو د ديپارتمنت پاى ته رسوونكي تر لاسه كولاى شي . د اژانس د مركه كوونكي په وينا ، تر اوسه پورې لا ديپارتمنت دا شونتيا نه لري چې تر ټولو ښه زده كړيال روسيې ته ولېږي ، ځكه چې د تګ لګښت يې بايد په خپله د زده كړيالو كورنۍ وركړي . ځينې هېوادونه دا لګښتونه په خپله وركوي ، لكه د شوروي اتحاد په زمانه كې چې وو .

كوچى دا هم وويل چې د كابل پوهنتون د روسي ژبې او ادبياتو له څانګې نه لومړنۍ دوره په ۱۹۷۹ ز كال كې فارغه شوه . مركه كوونكي وويل :

(( نن موږ د شمېر له مخې د ۱۴ دورې فارغين لمانځو . موږ ډېر ستونزمن وختونه هم تېر كړي چې ، په زده كړه كې وقفې راغلې ، زده كړيال او فارغين كورټ نه ول . خو موږ هيله من يو چې نور به دا ستونزې تكرار نه شي )) .

له رسمي ويناوو نه وروسته نېكمرغو ميندو او پلرونو ، خپلوانو او ملګرو د بكلوريا فارغينو ته ډالۍ او ګلان ډالۍ كړل . داسې ښكارېده چې د پلرونو او ميندو مخونه ، په خپله د فارغينو په پرتله له خوشالۍ نه ډېر ځلېدل .

وروسته د بكلوريا فارغين يو يو ستېژ ته خوت او هلته ورته د پوهنتون د پاى ته رسولو وياړليكونه وركول كېدل . څو فارغينو ته په كابل كې د روسيې سفارت كاركوونكو په لاس وياړليكونه وركړل شول . پېغلې او ځوانان په داسې حال كې چې تورې پټۍ يې تړلې وې ، په ګډه سره د زينې پر پاټكو ستېژ ته وختل او هلته د نېمې حلقې په بڼه په څو ليكو كې ودرېدل ، ددې لپاره چې مېلمانه وكولاى شي يادګاري عكسونه يې واخلي . د بكلوريا فارغينو په داسې حال كې چې د (( اورا ! )) ناره يې وكړه ، خپلې څلوركونجه خولۍ يې هوا ته وغورځولې او په دې ډول يې خپلو استادانو ته درناوى څرګند كړ .

...وروسته ، كله چې د شانداره غونډې ولوليز توب لږ غلى شو ، ما وكولاى شو چې له ځينو فارغينو سره خبرې وكړم ، چې په ډېره سوچه او نږدې ادبي روسي ژبه يې خبرې كولې . د دوى خبرې دومره سوچه او نږدې ادبي وې چې نن ورځ يې په ماسكو كې هم سړى لږ اوري . دوى د پوشكين او ېسېنين اثار ډېر خوښوي ، ځكه خو هڅه كوي چې د دوى په ژبه خبرې وكړي . په نياومنه توګه بايد وويل شي ، چې همدغه ژبه د روسي ژبې په نامه ياديږي .
فارسی.رو
لومړی مخ
خبرونه
مقالې
افغانان په روسیه کې
Google

RSS




© 2008 د دې خپرونې ټول حقوق له "افغانستان.رو" سایت سره خوندي دی.
شوني ده چې د مقالو د لیکوالانو نظریات د "فارسی.رو" سایت اند سره په ټکر کې وي.
د دې سایت مطالب د ماخذ په ښودلو سره کولای شی وکاروی.
--2.1--