English |  فارسی |  پشتو |  Русский
خپلواکه افغاني خپرونه
لومړی مخ
افغانی جهاد د پاکستانی جنرال میراث دی
په مسکو کی د افغانستان په باره کی بین المللی سیمینار جوړ شو
"روسان افغانستان کې خپلې نیمګړې پروژې بشپړوي"
افغان حکومت طالبانو ته د نوي دفتر وړانديز وکړ
د ټولو افغانانو لپاره د کابل جان ټولنیزې شبکې تاسیس
کرزی اوباما په دروهنه تورنوی
ایا امریکا به له تروریزم سره مبارزی ته د پاکستان په خاوره کی دوام ورکړی؟
په افغانستان کی د چارو وضعه د خوشبینی وړ نده
په روسيه کې د عيسوۍ شوې افغانې نجلۍ په باب
امريكا هيله لري چي تاجكستان به له افغانستان څخه د پوځونو په وتلو كي فعاله ونډه واخلي
افغانستان او اذربایجان د سفارتونو د پرانیستلو په هکله موافقه کړی ده
زیات شمیر پناه وړونکی چی تاجکستان ته راغلی د افغانستان اوسیدونکی دی
طالبان دې د نېمروز بریدونو په اړه دریځ روښانه کړي
فراه کې ۱۲ پوليس او قومندان يې طالبانو ته اووښتي
سر له نن به ځانګړي او د شپې عمليات افغان ځواکونه کوي
د امريکا سفير د عملياتو پر افغاني کېدو خوښي وښوده
روسيې له ډبليو ايف پي سره د ٤١ کاماز ډوله موټرو مرسته وکړه
ندهار کې ٥٠ ټنه تر وخت تېر درمل له منځه يوړل شول
عطامحمد د سولې پروسې مشروط ملاتړ وکړ، خو فهيم دا اړتيا وبلله
جنرال الن: د افغان او نړيوالو ځواکونو اړيکې پياوړې دي
ده کابل نه پنجوايي ته پر تللي پلاوي وسلوال بريد شوى
کيميرون: د کندهاره پېښه بده او اغيز لرونکې ده
زلمی رسول د سولې پر سر خبرو لپاره قطر ته ځي
د سپین بولدک چاودنې څلور افغان مسافر ووژل
ملي امنیت وايي د یوه سیاسي ګوند د مشر د وژنې طراحان یې نیولي
امریکايي پوځيانو ته په قرآن سوځونې سزا ورکول کېږي
'په تېرو څو کالو کې له افغانستانه نژدې پنځه میلیارد ډالر ایستل شوي'
د هلمند په یوه کور کې چاودنې اووه کسه ووژل
کرزی: احساسات مو وښودل، نور ارامي په کار ده
د شوروی اتحاد له خوا په ننګرهار کی جوړشوی کانال د ورانیدو په حال کی دی
  خبرونه/
سر له نن به ځانګړي او د شپې عمليات افغان ځواکونه کوي
/9.4.2012
     چاپي بڼه

د افغانستان د ملی دفاع وزیر او په افغانستان کی د ايساف ځواکونو د عمومي قوماندان ترمنځ په افغانستان کې د ځانګړو عملیاتو د افغاني کولو په اړه هوکړه لیک لاسليک شو.

دا په داسې حال کې ده ، چې د افغانستان حکومت په وار وار، د بهرنيو ځواکونو لخوا د شپې د عمليات درېدو او د ځانګړيو عملياتو د افغاني کولو غوښتنه کوله.

د بهرنيو ځواکونو لخوا د شپې د عملياتو بندول، د افغانستان د حکومت له هغو مهمو شرطونو څخه و ، چې د افغان چارواکو په وينا، له امريکا سره د ستراتيژيک تړون لاسليک يې ځنډولى دى.

د ځانګړيو عملياتو د افغاني کيدو هوکړه ليک نن د افغانستان د ملي دفاع وزير ستر جنرال عبدالرحيم وردګ او په افغانستان کې د ايساف او امريکايي ځواکونو عمومي قوماندان جنرال جان الن ترمنځ لاسليک شو.

د ملي دفاع وزير ستر جنرال عبدالرحيم وردګ په وينا، ددې هوکړې په لاسليک سره په هيواد کې ټول ځانګړي عمليات له نن وروسته د افغان امنيتي ځواکونو د ځانګړې قطعه لخوا ترسره کيږي.

وردګ وويل ، چې د افغان ځواکونو ځانګړې قطعه د ملي اردو، ملي پوليسو او د ملي امنيت له منسوبينو جوړه ده، چې د ايساف ځواکونو په ملاتړ به د افغانستان له قوانينو سره سم عمليات کوي.

د هوکړه ليک له مخې، ياده ځانګړې قطعه به د ځانګړيو عملياتو د تصويب ترڅنګ دغه عمليات ارزوي او د استخباراتي معلوماتو په شريکولو کې به هم برخه اخلي.

وردګ وويل ، چې د هوکړه ليک له مخې به تردې وروسته، د خلکو د استوګنې کورونه د اړتيا پروخت د افغانستان له قوانينو سره سم يواځې افغان ځواکونه تلاشي کوي او يواځې د اړتيا پرمهال، له امريکايي ځواکونو د ملاتړ غوښتنه کوي.

ده وويل چې افغان ځواکونه د عملياتو پرمهال د ماشومانو، ښځو او حساسو فرهنګي سيمو د ساتلو مسووليت لري.

وردګ د ځانګړيو عملياتو افغاني کيدل د افغانستان د حاکميت د تثبيت پرلور يو بل ګام وباله او زياته يې کړه ، چې دا کار د افغان ځواکونو د وړتياوو د لوړوالي ښکارندويي کوي.

دده د معلوماتو له مخې، امريکا به د يادې ځانګړې قطعې د ظرفيت په لوړولو کې مرسته کوي.

ده همداراز وويل چې د ځانګړيو عملياتو په افغاني کيدو سره به د افغانستان او امريکا ترمنځ د ستراتيژيک تړون لاسليک ته لاره هواره شي.

د بهرنيو ځواکونو لخوا د شپې د عملياتو بندول، د افغانستان د حکومت او دوديزې لويې جرګې له مهمو شرطونو څخه دي، چې د افغان چارواکو په وينا، له امريکا سره د ستراتيژيک تړون لاسليک يې ځنډولى دى.

دوديزې لويې جرګې هم د افغانستان ملي حاکميت، خپلواکۍ، ځمکنۍ بشپړتيا، اسلامي او افغاني ارزښتونو ته درناوی او د شپې لخوا د خلکو د کورونو د تلاشيو او عملياتو د بندولو په شرط له امريکا سره د ستراتيژيک تړون ملاتړ کړى وو.

په افغانستان کې د ايساف ځواکونو عمومي قومندان جنرال جان آلن د ياد هوکړه ليک د لاسليک کولو پرمهال وويل، چې افغان لوري ته د زندانونو د چارو د سپارلو تر هوکړې وروستهُ، د ځانګړيو عملياتو د افغاني کيدو هوکړه د افغانستان د ملي حاکميت د ټينګښت پرلور يو مهم ګام دى.

جان الن وويل، چې وروسته له دې به افغان ځواکونه ټول عمليات او په ځانګړې توګه د شپې لخوا عمليات ترسره کوي.

ده وويل ، چې تر ډېر هڅو وروسته د دوديزې لويې جرګې غوښتنه هم پرځاى شوه او يو مهم ګام د افغانستان او امريکا ترمنځ د ستراتيژيکو اړيکو د سند د لاسليک کولو پر لور واخيستل شو.

نوموړي د سيمې په کچه د افغان ځواکونو وړتياوې د پام وړ وبللې او زياته يې کړه چې هيڅوک بايد فکر ونکړي ، چې افغانستان به بيا د نوييمې لسيزې په څير شي.

منبع: پژواک
لومړی مخ
خبرونه
مقالې
افغانان په روسیه کې
Google

RSS




© 2008 د دې خپرونې ټول حقوق له "افغانستان.رو" سایت سره خوندي دی.
شوني ده چې د مقالو د لیکوالانو نظریات د "فارسی.رو" سایت اند سره په ټکر کې وي.
د دې سایت مطالب د ماخذ په ښودلو سره کولای شی وکاروی.
--2.1--